ꨛꨯꨮ ꨌꨮꩀ ꨛꨯꨮ ꨓꨔꨪꩀ – Po Cek Po Tathik – Dalikal Yuen *DARe Project Article 73ꨚꨓꨯꨱ ꨨꨭꩂ ꨥꨳꨮꩆ ꨢꨩ ꩑꩘ ꨨꨭꨩ ꨧꨩ ꨀꨗꩀ ꨆꨟꨬ ꨀꨋꩆ ꨟꨫ ꨗꨳꨮꩃ ꩝ ꨗꨰ ꨝꨳꩀ ꨧꨳꩌ ꨝꨪꨗꨰ ꨡꨵꨶꩀ ꨕꨫ ꨀꨝꨪꩍ꩞ ꨚꨓꨯꨱ ꨀꨗꨪꩅ ꨀꨗꩀ ꨆꨵꨯꨱꩍ ꨨꨓꨰ꩝ ꨢꨶꨩ ꨘꩆ ꨆꨳꨮꩃ ꨕꨶꩍ ꨆꨩ ꨀꨗꩀ ꨧꨩ ꨚꨧꩃ ꨝꨳꩀ ꨉꨮꩍ꩞ ꨥꩉ ꨘꩆ꩝ ꨨꨭꨩ ꨕꨶꨩ ꨂꨣꩃ ꨤꨪꨆꨬ ꨟꨰ ꨓꨝꨳꩀ ꨡꨯꨱꩀ ꨕꨫ ꨚꨓꨯꨱ ꨚꨳꨮꩍ ꨤꨪꨆꨮꨭ ꨇꨪꩂ ꨟꨫ ꨗꨳꨮꩃ꩞ ꨧꨩ ꨂꨣꩃ ꨕꨯꨱꩀ ꨕꨫ ꨊꨯꨱꩀ ꨌꨮꩀ꩝ ꨧꨳꩌ ꨤꨪꨆꨬ ꨡꨵꨶꩀ ꨧꨯꨱꩃ ꨈꨗꨴꨮꩍ ꨣꨤꨯꨩ ꨙꨬ꩞ ꨓꨌꨬ ꨓꨊꨪꩆ ꨈꩍ ꨀꨳꨩ ꨨꨣꨬ ꨓꨈꨯꩀ꩝ ꨝꨘꩍ ꨘꩆ ꨎꨳꨮꩃ ꨓꨗꨴꩆ ꨨꨟꨭꨩ ꨨꨎꨥ꩞ꨓꨌꨬ ꨓꨊꨪꩆ ꨈꩍ ꨀꨳꨩ ꨨꨣꨬ ꨓꨟꨩ꩝ ꨝꨘꩍ ꨘꩆ ꨓꨟꨭꩍ ꨓꨈꨯꩀ ꨌꨮꩀ ꨈꨵꨯꨱꩃ꩞ꨞꨭꩌ ꨞꩇ ꨃꨥ ꨤꩄ ꨛꨯꨮ ꨌꨮꩀ꩞ꨧꨩ ꨂꨣꩃ ꨓꨴꨩ꩝ ꨟꨰ ꨟꩃ ꨕꨫ ꨓꨔꨪꩀ꩝ ꨎꩃ ꨈꨗꨴꨮꩍ ꨝꨪꨢꨮꨭ꩞ ꨃꨥ ꨀꨊꨪꩆ ꨀꨊꨪꩆ ꨟꨰ꩝ ꨃꨥ ꨞꨭꩅ ꨞꨭꩅ ꨡꨵꨯꨱꨥ꩞ ꨟꨗꨶꨪꩋ ꨃꨥ ꨂꨣꩃ ꨘꩆ ꨛꨯꨮ ꨓꨔꨪꩀ꩞ꨧꨩ ꨂꨣꩃ ꨛꨯꨮ ꨗꨈꩉ ꨌꨮꩀ꩝ ꨧꨩ ꨂꨣꩃ ꨛꨯꨮ ꨗꨈꩉ ꨓꨔꨪꩀ꩝ ꨔꨬ ꨤꨪꨎꩃ ꨝꨳꩀ ꨉꨮꩍ ꨚꨳꨮꩍ ꨋꩇ ꨟꨓꨮꨭ ꨚꨓꨯꨱ꩝ ꨆꨢꨶꨩ ꨘꩆ꩝ ꨚꨓꨯꨱ ꨅꨩ ꨆꨩ ꨔꨮꨭ ꨨꨰꩈ ꨧꨯꨱꩃ ꨔꨬ꩞ ꨚꨓꨯꨱ ꨚꨓꨯꨱꩌ ꨣꨎꨆꩉ ꨈꨴꨮꩇ ꨗꨈꩉ ꨚꨳꨮꩍ ꨝꨳꨪ ꨈꨴꨭꩀ ꨟꩀ ꨔꨬ ꨋꩇ ꨟꨓꨮꨭ꩝ ꨓꨮꩊ ꨤꨶꨪꩄ ꨚꨌꨮꩆ ꨤꩄ: ꨕꨶꨩ ꨂꨣꩃ ꨔꨬ ꨎꩃ ꨉꨮꩍ ꨒꨮꩇ ꨨꨓꨰ ꨆꨟꨪ꩝ ꨟꨪꩆ ꨆꨟꨪ ꨨꨭꨩ ꨓꨯꩀ ꨧꨩ ꨂꨣꩃ ꨆꨟꨬ ꨟꨪꩆ꩝ ꨆꨩ ꨅꨩ ꨔꨮꨭ ꨚꨇꨪꩂ ꨆꨩ ꨔꨬ꩞ ꨚꨈꨭꩍ ꨗꨫ꩝ ꨟꨢꩍ ꨔꨬ ꨝꨩ ꨧꨇꨥꨪꩆ ꨟꨰ ꨕꨨꨵꨮꨭ ꨢꨮꨩ ꨆꨟꨪ ꨚꨇꨪꩂ ꨟꨫ ꨗꨳꨮꩃ ꨆꨩ ꨂꨣꩃ ꨘꩆ: ꨧꨩ ꨣꨓꨭꩍ ꨚꨚꨩꩆ ꨙꨳꨯꨮꩇ꩝ ꨧꨩ ꨣꨓꨭꩍ ꨤꨁꨪ ꨚꨬ ꨗꨭꩃ꩝ ꨤꨪꨟꩆ ꨧꨤꨪꨚꩆ ꨝꨪꨤꨩ꩝ ꨟꨗꨭꩀ ꨧꨤꨪꨚꩆ ꨕꨟꩃ꩝ ꨀꨧꨰꩍ ꨧꨤꨪꨚꩆ ꨝꨤꨮꨭ ꨟꨣꨳꩍ꩞ ꨓꨮꩊ ꨚꨈꨭꩍ ꨚꨈꨯꨮꨩ꩝ ꨛꨯꨮ ꨌꨮꩀ ꨝꨩ ꨀꨝꨪꩍ ꨧꨇꨥꨪꩆ ꨟꨰ ꨕꨨꨵꨮꨭ ꨘꩆ ꨝꨩ ꨟꨫ ꨗꨳꨮꩃ ꨗꨯꨱ ꨌꨮꩀ꩞ ꨛꨯꨮ ꨓꨔꨪꩀ ꨟꨰ ꨨꨕꨬ꩝ ꨅꩍ ꨇꨪꩂ ꨨꨭꨩ ꨟꨫ ꨗꨳꨮꩃ꩝ ꨆꨢꨶꨩ ꨘꩆ ꨈꨪꨗꨯꨱꩃ꩝ ꨝꨩ ꨎꨝꨶꨮꩊ ꨚꨈꨶꨬ ꨓꨶꨬ꩝ ꨧꨩ ꨕꨶꨩ ꨙꨯꩀ ꨟꩀ ꨈꨤꩄ ꨟꨫ ꨗꨳꨮꩃ꩞ꨛꨯꨮ ꨓꨔꨪꩀ ꨃꨥ ꨀꨊꨪꩆ꩝ ꨋꩇ ꨨꨎꩆ ꨎꨳꨮꩃ ꨣꨝꨭꩀ ꨓꨔꨯꨱꨥ ꨕꨗꩈ ꨈꨴꨮꩇ ꨗꨈꩉ ꨆꨳꨮꩃ ꨟꨧꨭꩍ ꨧꨯꨱꩃ ꨛꨯꨮ ꨌꨮꩀ꩞ ꨀꨳꨩ ꨚꨴꨯꨱꩃ ꨈꨵꨯꨱꩃ ꨕꨮꩇ ꨧꩃ ꨕꨮꩇ ꨚꨕꨰ ꨀꨝꨪꩍ꩞ꨛꨯꨮ ꨌꨮꩀ ꨎꩃ ꨅꨩ ꨆꨙꨩ꩝ ꨛꨯꨮ ꨟꩀ ꨚꨴꨲꩆ ꨈꨪꨗꨴꨮꩍ ꨥꨮꩀ ꨌꨮꩀ ꨝꨮꩀ ꨀꨳꨩ꩞ ꨀꨳꨩ ꨥꨮꩀ ꨈꨵꨯꨱꩃ ꨓꨮꩊ ꨣꨬ꩝ ꨛꨯꨮ ꨝꨮꩀ ꨌꨮꩀ ꨈꨵꨯꨱꩃ ꨓꨮꩊ ꨘꩆ꩞ ꨕꨶꨩ ꨈꩍ ꨀꨓꨯꨱꩃ ꨈꨮꩇ ꨓꨚꨩ ꨓꨎꨭꩍ ꨝꨪꨤꩆ꩝ ꨝꨵꨯꨱꩍ ꨛꨯꨮ ꨓꨔꨪꩀ ꨟꩃ ꨌꨳꨪꩇ ꨀꨤꩍ꩝ ꨤꨶꨰ ꨎꨝꨶꨮꩊ ꨗꨯꨱ ꨧꩃ꩞ꨟꩃ ꨘꩆ ꨗꨯꨱ꩝ ꨛꨯꨮ ꨓꨔꨪꩀ ꨤꨟꨭꩀ ꨈꨪꨗꨯꨱꩃ ꨣꨤꨯꨩ ꨥꨮꩀ꩝ ꨔꨭꩆ ꨨꨤꨬ ꨛꨯꨮ ꨓꨔꨪꩀ ꨤꨪꨎꩃ ꨋꩇ ꨣꨪꨝꨭꩀ ꨓꨔꨯꨱꨥ ꨀꨓꨯꨱꩃ ꨛꨯꨮ ꨌꨮꩀ꩝ ꨟꨪꩆ ꨧꨩ ꨡꨮꩃ ꨣꨬ ꨎꩃ ꨀꨓꨯꨱꩃ ꨅꩍ ꨡꨮꩃ꩞Nguồn: fb or chambani.com
In Album: prancham's Timeline Photos
Dimension:
1536 x 1024
File Size:
508.31 Kb
