• Facebook
  • Yahoo
  • Google
  • Live
  • Twitter
  • Live
Kaka
#0

 

1# Piah daong klah rabha dom khut, lahik di bhap bini njauk ribuk ka 10  saong brei mboh bruk “Hala siam pacang hala tahak”, Công đoàn Văn phòng Quốc hội tabiak bruk rik pataom daong bhap bii bhum kreh negar. Chủ tịch Quốc hội Nguyễn Thị Kim Ngân, Phó Chủ tịch Thường trực Quốc hội Tòng Thị Phóng, dom Phó Chủ tịch Quốc hội saong taong abih urang jakar, urang daok ngak dalam dom bruk dom gah di Văn phòng Quốc hội hu mbaok rik pataom. Piah daong ka mikva bhum gaok ribuk samar yam tapa kan kandah, tani tanat raidiuk.

 

2/ # Viện ilamu Kỹ thuật kaya  nong, kaya glai Tây Nguyên hu panuac kakei dom boh sang urang nong, doanh nghiệp pala cà phê di dom tỉnh Tây Nguyên breipambak prong dom bruk pruh ia patak patom, piah patak patom phun jien, pren ngak, patagok  cà phê khang kajap, lagaih song bruk biến đổi khí hậu, patrun hu bruk palai pajoa drap ar dalam taneh ia.

 

        3 # Oh pala thanh long tui yaok gheng yau dahlau daih, urak ini rilo trang trại, rio baoh sang urang ngak nong dalam tỉnh Bình Thuận saih tapa pala thanh long angaok mejam. Ini lac jalan ngak bahrau, daong ka urang nong patak pataom taneh, patagok bruk pandar jamriak dalam pala ngak, ba mai kein laba glaong.

 

   4/ # Tui pathau khan di Sở Y tế tỉnh Vĩnh Long, dalam  huyện Vũng Liêm hu sa urang njom virus Zika. Urang ruak lac sa urang likei umo 63 thun, mboh pandiak glong, gleih glar, tagok boh ia angaok klik, pandik dom talang sit di plak takai, pandik cơ, pandik akaok, pandik meta song pren yava trun. Hadei di tuk thau hu bruk nan, jabat y tế dự phòng hu peih bruk pasang iek, duah thau, langyah sruh jit ruak, song urak ni cakak hu abih. Makna pambak ruak pandiak tabiak darah song ruak kayua  vi rút Zika lac kayua jamuk vằn.Ruak kayua vi rút Zika ba tal biến chứng akaok sit di anek kama kayua njom mbak meng amaik metain.

 

          5# Kayua ia di gah angaok kraong Cửu Long saong bhum gah ala kraong Tiền, kraong Hậu daok tagok samar, piah caga pacang hajan ia ndik, khik caga siam mekre phun pala bilan Thu Đông năm 2017 saong piah ba siam mekre ka bhap bini bhum pak kieng Long Xuyên, Ủy ban bhap bini tỉnh An Giang, Công ty Trách nhiệm hữu hạn Một thành viên Khai thác thủy lợi An Giang hu khan brei thau bruk tathuak ia di dua binek Tha La saong Trà Sư di harei 22/9. 

 

        6/   # Cà Mau lac labik dang akaok negar ka bhum taneh song sản lượng hadang rong. drei hadang jeng lac dang akaok kinh tế di tỉnh ni. Min dom thun jiak di ni, bruk rong hadang di labik ni daok dang anak dom kan kandah, kayua langik tasik oh siam, jit ruak, Nerak tachuak môi trường. Piah palagaih song langik tasik, gah chức năng Cà Mau hu peih ngak rilo jalan rong bahrau. Ong Nguyễn Thành Nhân dok di xã Hàng Vịnh, huyện Năm Căn sa urang hu jiak  20 thun rong hadang lac: Rong hadang quảng canh salih bahrau, takik palaih ia, phun jien oh rilo, dang di tanut ginup mbiah urang nong drei ndua naong hu. 

     

7# Trung thu brei adei” – danak dak ngak ahar alin brei uraniah kan kathaot bhum Tây Bắc, danak dak kayua lambaok The jade Bakery pambuak bruk haong dịch vụ cộng đồng (FnB Solutions) di ban raya Hồ Chí Minh peih ngak.Dalam abik ấm cúng di Tiệm bánh mỳ The Jade Bakery, labaih 50 sinh viên sang bac Đại học Hoa Sen saong dom sinh viên di dom sang bac đại học di ban raya saong jeing ngak ahar hu pataom gauk ngak dom baoh ahar trung thu pahe, bingi ain brei uraniah banga takik kan kandah bhum Tây Bắc.

         

          Patui id ni domn khau tin dunya!

          8/ # Tui panuac khan di gah Lao động dunya, thun bloh dalam dunya hu labaih 150 triệu urang ngak lac uranaih umo meng  5 tal  17 thun Tui  nan, hu makna lac dalam yaok 10 uranaih di dunya ye hu sa uranaih lac lao động cưỡng bức. 

 

         9 # Tui jabat xuất nhập cảnh Ca-na-đa, gah an ninh Ca-na-đa pacang cakak hu 5 ribau 700 urang di cư meng Mỹ tame Ca-na-đa suan adat hukum dalam bilan 8 meng bloh, dalam tuk urang tame Canada suan hukum dalam bilan 7 lac 3 ribau 134 urang. Yau nan, menuac di cư meng Mỹ tame Ca-na-đa tagok rio jang labaih 6 mbang duk saong tanut trung bình di quý 1 thun ini.

 

         10 # Jabat Pasang địa chất Mỹ harei 21/9 brei thau, di labik langiu tasik Nhật Bản hu rah tabiak sa mbang megei boh taneh khang 6,1 rích- te. Oh hu panuac khan halei ka dom khat lihik meng mbang megei boh taneh song oh hu cảnh báo sóng thần hu ba tabiak./.

 

Nguồn: Vov4.vov.vn

Like (1)
Loading...
1